Gaurtik aurrera, maiatzaren 31tik aurrera, 2021-2022 ikasturterako LHko plazak esleitzeko prozesua irekiko da. Prozesu hori 2021eko maiatzaren 27ko Aginduan dago araututa. Agindu horren bidez, 2021-2022 ikasturterako eskabideak, onartzeko epeak eta matrikula aurkezteko egutegi komuna ezartzen da.
OHAR GARRANTZITSUAK:
Lanbide Heziketako ziklo batean plazak esleitzeko prozesuan parte hartu nahi duten pertsona guztiek aurrez izena eman beharko dute.
Aurreinskripzioan eskatu ahal diren plaza kopurua ez dago mugatuta . Zenbat eta plaza gehiago eskatu, orduan eta aukera handiagoa izango duzu sistemak plaza bat esleitzeko. Horregatik, eskabidean gutxienez 10 aukera sartzea gomendatzen dugu.
Aurrez izena ematen ez duten pertsonek ezohiko epean (irailetik urrira) baino ezin izango dute matrikulatu esleitu ez diren eskainitako plazetan.
Aldi horretan arreta jasotzeko, hitzordua eskatu behar da aldez aurretik esteka honetan.
Beharrezkoa da aurrematrikula egin aurretik alta ematea Eusko Jaurlaritzaren IKASGUNEA hezkuntza-atarian
EGUTEGIA
- Eskabideak eta dokumentazioa entregatzea:
- Aurrez aurre, 2021eko ekainaren 31tik 18ra, biak barne
- ONLINE ekainaren 18ra arte.
- Espediente akademikoa edo bestelako dokumentazioa entregatzea, beharrezkoa balitz: ekainaren 30era arte.
- Onartuen behin-behineko zerrendak: uztailak 9
- Zerrenden erreklamazioa: uztailaren 12ra arte, egun hori barne.
- Behin betiko zerrendak: uztailak 13
- Ohiko aldia:
- I. fasea: uztailaren 19tik 21era, biak barne.
- II. fasea: uztailaren 23tik 27ra, biak barne.
- III. fasea: uztailaren 29tik 30era, biak barne.
- Ezohiko aldia: irailaren 1etik urriaren 15era, biak barne
- Modalitate partzialeko erregimen presentzialeko matrikulak uztailaren 19tik 30era egingo dira.
IKASTETXE BATEAN EGITEN DIREN IZAPIDEAK IKASTETXEKO IDAZKARITZAREN ORDUTEGIAN EGIN BEHAR DIRA.
