Joan den larunbatean, maiatzaren 29an, Bilboko Itsas Museoaren zabalgunean, Tknikak (LHko Sailburuordetzak Euskadiko LHko zentroetan berrikuntza bultzatzeko sustatutako zentroa) antolatzen duen EUSKELEC auto elektrikoen lasterketaren IV. edizioa egin zen. Oraingo honetan, LHko 19 ikastetxek parte hartu dute proban, eta lehen aldiz Euskal Herritik kanpoko ordezkariak izan ditugu, Aragoiko zentro bat eta Kantabriako beste zentro bat, hain zuzen ere.

Euskelec lehiaketa honetan, lanbide-heziketako ikastetxeetako ikasleek ibilgailu elektriko bat diseinatu eta eraikitzen dute oinarri motor komun baten gainean (motorra, motorren kontrolatzailea eta bateriak), talde-lana sustatzeko eta jarduera esperimentala eta sortzailea elementu pedagogiko gisa oinarritzeko.

Egunean zehar hainbat proba egin ziren: frenatzea, azelerazioa, slalom-a eta azkenik erresistentziako proba. Azken emaitza ezin hobea izan zen, gure taldeak Berrikuntzaren Saria, I. faseko Lehen Saria (proiektuaren aurkezpena eta defentsa) eta hirugarren postua lortu ditu azken sailkapenean. Emaitza benetan ikusgarria.

Automobilgintzako zikloetako ikasle eta irakasle taldea zoriontzea besterik ez da geratzen garaipenagatik, bai eta karrera streamingean ikustea ahalbidetu zuten telekomunikazio-zikloko irakasle eta ikasleak ere, aurrekaririk gabeko kameren hedapenagatik. Horiei guztiei ZORIONAK.

Argazkiak ikusi ditzakezue hurrengo albunean: https://photos.app.goo.gl/YrDc3GUCEJMeD26r5