Besteak
TKGUNE:
HELBURUAK
Berrikuntza, Teknologia Transferentzia eta Lehiakortasun Garapeneko Sarea, LHko zentroek osatua, EAEko ETEen eskura jartzen duena bere azpiegitura eta ezagutza guztia, eskaintza espezializatu bat garatuz. Eskaintza horrek barne hartzen ditu prestakuntza aurreratua eta balio erantsiko zerbitzu teknikoak I+G+b proiektuen esparruan, ETEen funtsezko prozesuak eta produktuak berritzeko eta etengabe hobetzeko dinamikak garatzeko, gorabidean dauden eta balio erantsi handia duten merkatuetan sartzen laguntzeko.
TKgunean EAEko Lanbide Heziketako ikastetxe publikoek eta itunduek hartzen dute parte, Eusko Jaurlaritzaren laguntzarekin.
TKgune lau INGURUNE ESTRATEGIKOTAN egituratzen da, eta honako eremu teknologiko hauek biltzen dituzte: Trenbideak, Energia, Automozioa eta Fabrikazioa. Somorrostro Prestakuntza Zentroak Fabrikazioan parte hartzen du, eta produktua eta produkzio-prozesuak berritzeko eta hobetzeko zerbitzu teknologikoak eskaintzen ditu.
KIDEAK
- IMH
- GLHBI MIGUEL ALTUNA IEFPS Bergara
- GLHBI BIDASOA IEFPS Irun
- SOMORROSTRO Muskiz
- GLHBI USURBIL IEFPS
- EGIBIDE Vitoria-Gasteiz
- GLHBI ELORRIETA-ERREKA MARI IEFPS Bilbo
- POLITEKNIKA IKASTEGIA TXORIERRI Derio
- GLHBI ARMERIA IEFPS Eibar
- Informazio gehiago: http://www.tkgune.eus
Euskelec Tknikak (Eusko Jaurlaritzako Lanbide Heziketako Sailburuordetzak bultzatutako berrikuntza-zentroa) antolatutako lehiaketa bat da. Bertan, Euskal Autonomia Erkidegoko lanbide heziketako ikastetxeetako ikasleek % 100 elektrikoa den ibilgailu bat diseinatu eta eraiki behar dute oinarri motor komun batekin (motorra, motor-kontrolatzailea eta bateriak), ikasleen talde-lana indartzeko eta jarduera esperimental eta sortzailea ibilgailu elektrikoen ezagutza teknikorako elementu pedagogiko gisa oinarritzeko.
Lehiaketak fase tekniko eta sortzaile bat du, diseinu, berrikuntza eta komunikazio erronkak dituena, proiektuaren memoria batean bilduta eta epaimahai aditu baten aurrean aurkeztuta, eta fase dinamiko bat, non ibilgailuen prestazioak, ezaugarriak eta diseinua ebaluatuko diren slalom, azelerazio, gehieneko balaztatze eta erresistentzia proben bidez. Proba horietatik sari multzo bat aterako da, taldeen bikaintasuna azpimarratzeko lehiaketaren alderdi guztietan.
Trakzio elektrikoko ibilgailuetan espezializatutako teknikariak trebatzeko eta sustatzeko plataforma bat da txapelketa hau, eta fabrikazio teknika berrien esperimentazioa eta material berrien erabilera sustatzen ditu. Parte hartzaileek trakzio elektrikoko ibilgailuetan eta industrializazio eredu berrietan oinarritutako mugikortasun eredu berri batetik sortutako beharrei erantzun ahal izango diete.
Azken urteetako argazki-albumak
Lehiaketa batzuetako bideoak
Somorrostro en el II Campeonato de Vehículos Eléctricos “Euskelec”