1997an, Laneko Osasuna Sustatzeko Europako Sareak (ENWHP) Luxenburgoko Adierazpena egin zuen. Adostasun-dokumentu horretan, jarduteko oinarrizko printzipioak eta enpresan langileen osasuna ondo kudeatzeko erreferentzia-esparrua ezartzen ziren.
Ordutik, Europa mailako erakunde askok bat egin dute Luxenburgoko Adierazpenarekin, eta haren printzipioak txertatu dituzte bezeroei edo elkartekideei eskainitako enpresa-estrategietan eta zerbitzuetan. Aurten, Somorrostro izan da Luxenburgoko Adierazpenarekin bat egin duen erakundeetako bat, eta, horrela, lanean osasuna sustatzeko oinarrizko helburuak onartzeko eta ezartzeko konpromisoa hartu du, bai eta bere estrategiak haren printzipioetara bideratzeko konpromisoa ere. Horrek esan nahi du, abiapuntu gisa, laneko arriskuen prebentzioari buruzko araudia bete behar dela.
Zer esan nahi du Luxenburgoko Adierazpenari atxikitzeak?
Luxenburgoko Adierazpenarekin bat egiten duten erakundeek:
- Bertan defendatzen diren printzipioak praktikan jartzeko eta zabaltzeko konpromisoa hartzen dute.
- Prest daude beren ezagutzak eta jardunbide egokiak partekatzeko eta sustatzeko laneko osasunaren sustapenaren arloan.
- Pertsona juridiko gisa egingo dute (pertsona fisiko gisa atxikitzea ez da jasotzen adierazpen horretan).
- Nortasun juridiko propiorik ez duen enpresa-talde bat bada, taldeko enpresa bakoitza bere aldetik atxiki beharko da..
Horrela, eta atxikitako enpresa gisa, Somorrostro:
- PST espazio horretan atxikitako enpresen eta erakundeen zerrendan agertuko da.
- Luxenburgoko Adierazpenari atxiki izanaren diploma jasoko du.
