Urriaren 16an eta 17an, Madrilgo Carlos III.a Unibertsitatean, CLAVICOk (Hezkidetzako Klaustro Birtuala) antolatutako Hezkidetzari buruzko Nazioarteko IV. Kongresua egin da, Aukera Berdintasunerako Emakumeen Institutuak babestuta. Topagune horretan, Teresa Meana, Miguel Ángel Arconada, Ana López Navajas, Paqui Méndez, Marian Moreno eta beste hainbat pertsonarekin ikasteko aukera izan dugu, ikaskuntza esperientziak eta hezkidetza materialak partekatu baitituzte gai hori interesatzen zaien irakasle guztiekin.
Gure ikastetxetik Hezkidetzako Taldea hurbildu da kongresura, berdintasuna ikasgeletara eramateko estrategia berriak lantzeko beti prest dagoen taldea.
