Ingeniaritza Mekatronikoko Graduko ikasleak 2. mailako bigarren seihilekoa Somorrostro ikastetxean egiten ari dira, neurri desberdinetako malgukiak fabrikatzeko prototipo bat fabrikatzen.
Ikasturtean zehar egin duten proiektua da, eta bi fasetan banatu dute:
- Lehen seihilekoa: prototipoa zerotik diseinatzea
- Bigarren seihilekoa: fabrikazioa, muntaketa eta martxan jartzea
Proiektu oso eta konplexua da, ikasturtean zehar honako alderdi hauek biltzen dituena, besteak beste: pieza propioen diseinua eta fabrikazioa, soldadura bidezko loturak, elementu komertzialen hautaketa, koadro elektrikoen eta kontrolekoen diseinua, automatekiko integrazioa, CE markaketaren analisia eta makinen segurtasunarena.
Mondragon Unibertsitatearen eta Somorrostro Ikastetxearen arteko lankidetza, Ingeniaritza Mekatronikoko Gradua Bizkaian emateko, 2020/21 ikasturtean hasi zen. Gradu honen helburua batxilergotik zuzenean sartzen diren ikasleek eta Lanbide Heziketatik sartzen diren ikasleek beren prestakuntza unibertsitatean jarraitu ahal izatea da, enplegagarritasun maila handiko ingeniaritza espezialitate bat modu praktiko eta berritzaile batean eginez.
Enplegagarritasun tasa handia duten ikasketak
U-Rankingek (BBVAk eta Iviek egina) maiatzaren erdialdean argitaratutako txostenaren arabera, Mondragon Unibertsitateko ingeniaritzek dute enplegagarritasun tasarik handiena EAEn eskaintzen direnen artean, eta 5. postuan daude estatu mailan.
