Urriaren 26an eta 27an, FP Empresa erakundeak eta CaixaBank Fundazioak antolatutako LHko VIII. Kongresua egin zen Donostian. Estatu osoko Lanbide Heziketaren munduko 700 profesional inguruk parte hartu ahal izan zuten ekitaldi honetan, eta bertan izan ziren Lanbide Heziketako idazkari nagusi Clara Sanz eta Eusko Jaurlaritzako LHko sailburuorde Jorge Arévalo.
Kongresu horren esparruan, hainbat bisita egin ziren Euskal Autonomia Erkidegoko LHko zentroetara, hala nola TKNIKA, CIFP Usurbil LHII, CIFP Tolosaldea LHII, CIFP Easo Politeknikoa LHII, CIFP Don Bosco LHII eta CIFP Bidasoa LHII. Acciona, Orange, Volkswagen edo IndexIA elkartea bezalako enpresek ere parte hartu zuten ekitaldi garrantzitsu honetan.
FPEmpresa elkarteak bere 10. urteurrena ospatzeko aukera aprobetxatu zuen, etorkizuna duten LHko zentroak bultzatuz. Era berean, Dualiza laguntzen V. Deialdiko sariak banatu ziren. Deialdi horretan, VisIA: Inteligenitzia Artifizialeko Aplikazioa proiektua aitortu da, gure ikastetxeak, Jon Barrueco buru zuela, Donostiako Nazaret ikastetxearekin eta Bilboko Zabalburu ikastetxearekin batera garatu duen ikasleen egoera emozionala hobetzeko.
Somorrostrok, elkarteko kide gisa, kongresu honen antolakuntzan parte hartu zuen eta Sergio San Martín, gure ikastetxeko berrikuntza zuzendaria eta LH Enpresako idazkaria, moderatzaile gisa parte hartu zuen mahai-inguruetako batean.
Kongresuaren laburpen bideoa:
