Joan den ostiralean, maiatzak 17, Batxilergoko 2. mailako ikasleen ikasturte amaierako gala tradizionala ospatu genuen Barakaldo antzokian. Ekitaldi hunkigarria izan zen, eta guztira 170 ikaslek baino gehiagok parte hartu zuten, senide hurbilenekin batera.

Jon Lago irakasleak eta Marco Talledo bigarren mailako ikasleak aurkeztu zuten gala, eta beste hiru ikaslek ere parte hartu zuten. Amira Santosek ireki zuen gala pianoan, ondoren Uxue Mugica dantzariaren emanaldiaz gozatu genuen eta Aimar Lavin abeslari eta teklatu jotzaileak itxi zuen ekitaldia.

Ekitaldi hau oso berezia da ikasleentzat; izan ere, orlak emanez, eguneroko ahalegina goraipatzen da, azken bi urteotan egin duten lanaren garrantzia; azken batean, emozioz eta ilusioz betetako aintzatespena da.

Galak kalean jarraitu zuen, eta ikasleek argazki ugari atera zituzten ikaskideekin, irakasleekin eta senideekin, halako une berezi bat ahaztezin bihurtzeko.

📸Argazki gehiago aurkituko dituzue esteka honetan