2023/2024 ikasturte honen hasieran, gure ikastetxeak, Eusko Jaurlaritzako Lanbide Heziketako Sailburuordetzaren bidez, Estatuko Bikaintasun Zentro gisa onartzeko proposamena egin zuen. Berriki argitaratutako ebazpenean, 21 ikastetxe aukeratu dira Hezkuntza eta Lanbide Heziketako Ministerioaren (LMEFP) LH 2023ko bikaintasun-zentroen Estatuko sarean parte hartzeko.

Lanbide Heziketako Bikaintasun Zentroen Estatuko Sarea 66 ikastetxek osatzen dute orain, 17 autonomia erkidegoetan banatuta, eta zentro guztiak dira publikoak, Somorrostro izan ezik. Euskadin, 6 zentro (5 gipuzkoar eta gu) baino ez gaude sare honetan.

Bikaintasun-zentroek hiru ezaugarri dituzte:

– Berrikuntza, ikerketa aplikatua eta teknologia disruptibo aplikatua sartzea: inguruneak eta ekosistemak sortuz eta proiektuak garatuz.

– Ekintzailetza.

– Nazioartekotzea.

Deialdi honetan,  21 zentroak 10 ekoizpen-sektoretakoak dira: Aeronautika, Ikus-entzunezkoak, Eraikuntza eta jasangarritasun energetikoa, Ekonomia soziala eta zainketena, Adimen artifiziala eta Big Data, Itsasoa eta Arrantza, Kimika, Informazioaren teknologiak, Garraioa eta logistika eta Turismoa. Gure kasuan, proiekzio handieneko sektoreetako batean aintzatetsiak izan gara, hala nola Adimen Artifizialean eta Big Datan.

Sare honetan hautatutako LHko ikastetxeen helburua da Lanbide Heziketaren zerbitzura dauden ekosistema berritzaileen, metodologia berrien eta azken teknologien bultzatzaile bihurtzea. Izendapen horrek indartu egiten du Somorrostrok lanbide-heziketaren esparruan erreferentziazko zentro gisa duen posizioa, eta gure ingurunean gizartea eraldatzeko eragile gisa kokatzen gaitu.