Joan den larunbatean, irailak 28, Bilboko Elizbarrutiko pastoral kurtso berriaren “GOAZEN” inaugurazioa ospatu zen. “Etorkizunari begira” leloarekin, gure elizbarrutiaren 75. urteurrena ospatzeko ekitaldi sorta bati hasiera eman zitzaion.

Ia mila lagun bildu ziren Derion jai giroan lehenengo ospakizun honetan parte hartzeko. Bikaritza guztietan otoitz egin ondoren, bideo bat proiektatu zen, elizbarrutiaren historiako unerik esanguratsuenak ezagutzeko.Unerik hunkigarrienetako bat “Geroa marraztu” abestiaren aurkezpena izan zen, Xabi Aburruzaga trikitilari eta Somorrostro Heziketa Zentroko ikasle ohiak konposatua. Musika pieza hau urteurreneko ospakizunen ardatz izango da.

Joseba Segura gotzainak ere tarte berezia izan zuen, elizbarrutiaren etorkizunari buruzko mezu inspiratzailea transmitituz. Ondoren, haurrek koreografia bat interpretatu zuten abestiaren erritmora, eta bertaratutako guztiak kantuan parte hartzera gonbidatu zituzten.

Eguneko jarduerak hainbat dinamikarekin eta talde bazkari batekin amaitu ziren. Honek parte-hartzaileak urteurrena ospatzen jarraitzeko gogo handiarekin utzi zituen.

“GOAZEN” jardunaldia hasiera baino ez zen izan. Kurtsoan zehar, Bizkaiko Eliza osoari zuzendutako jarduera gehiago burutuko dira, gure historia ospatzeko eta anaitasunean oinarritutako etorkizuna elkarrekin eraikitzeko helburuarekin.