HASIERA EMAN ZAIO SOMORROSTRON DUALIZA 2022-2023 LAGUNTZEN DEIALDIAKO MLAB5G PROIEKTUARI
Otsailean, Telekomunikazio eta Informatika Sistemen zikloko 2.mailako ikasleak Somorrostro prestakuntza zentroak erosi zuen furgonetaren barrualdea egokitzen hasi ziren, 5G teknologiako laborategi mugikor bihurtzeko.
Furgoneta honek bizitza berria izango du, eta 5G teknologiari buruzko prestakuntza eskaintzeko erabiliko da, herrialdeko hainbat mailatako eta tokitako ikasleei.
Aldi berean, kanpoko diseinua ere landu da, nola margotu eta apaindu proposatuz.
Orain Telekomunikazio eta Informatika Sistemako 1. mailako ikasleak telefonia zelularreko sareen funtzionamenduari buruzko prestakuntza jasotzen ari dira irakasleen aldetik, laster 5G teknologiaren ezagutzan aurrera egiteko eta laborategian instalatuko den ekipamenduarekin lan egin ahal izateko.
Proiektu hau Dualiza Bankia eta LH Enpresa laguntzen 22/23 deialdikoa da, eta enpresekin lankidetza duten ikastetxeen LHko proiektuak bultzatzea du helburu. Berrikuntza, lurraldean duen eragina, jasangarritasuna edo proiektu horrek sortutako ezagutzaren transferigarritasuna baloratzen dira.
