Somorrostro Heziketa Zentroak hasiera eman dio gaur Inspira STEAM proiektuaren edizio berri bati. Deustuko Unibertsitateak bultzatutako ekimena da, eta ikastetxeak duela zenbait ikasturtetik DBHko 1. mailako ikasleekin garatzen du.

DBHko 1. mailako taldeen eta ikasturte honetan ikasleei lagunduko dien mentore taldearen arteko lehen lan-saioarekin hasi da proiektua. Guztira, sei sentsibilizazio eta orientazio saio egingo dira, bokazio zientifikoak eta teknologikoak pizteko, hezkuntzaren berdintasunaren, aniztasunaren eta ekitatearen ikuspegitik.

Estereotipo gabeko ereduak

STEAMen inspirazioa ikasleek zientzia- eta teknologia-arloko profesionalekin duten zuzeneko harremanean oinarritzen da. Profesional horiek eredu hurbil eta erreal gisa jarduten dute. Partaidetza-dinamiken bidez, proiektuak honako hauek bilatzen ditu:

• Zientzian eta teknologian erreferente femeninoak hurbiltzea.
• STEAM (Zientzia, Teknologia, Ingeniaritza, Artea eta Matematika) lanbideen aukera zabala aztertzea.
  Emakumeen eta gizonen aniztasunari eta garapen zientifiko eta teknologikoan elkarrekin parte hartzearen garrantziari buruz hausnartzea.
• Emakumeek arlo horietan duten zeregina ikusaraztea, bai historikoki, bai gaur egun.
• Erabaki akademikoak eta profesionalak askotan modu inkontzientean baldintzatzen dituzten estereotipoak identifikatzea eta haustea.

Hori guztia helburu argi batekin: ikasleek beren etorkizuna askatasunez aukeratu ahal izatea, etiketarik eta genero-baldintzatzailerik gabe.

Mentore-talde konprometitua

Edizio honetan, proiektuak industria- eta teknologia-arloko hainbat enpresatako mentore talde bat du. Besteak beste, Sidenorreko Verónica Pérez, Ingeteam-eko Daniel Mikolta eta Lantik-eko Eduardo Díez profesionalek hartu dute parte. Gainera, Bilbomaticako Leticia Garcíak ere parte hartu du aurreko edizioetan.

Haien inplikazioa eta hurbiltasuna funtsezkoak dira ikasleei transmititzeko STEAM lanbideak guztion eskura daudela.

Berdintasunarekiko eta hezkuntza- berrikuntzarekiko konpromisua

Proiektu hau abian jarrita, Somorrostrok aukera-berdintasunarekin, hezkuntza-berrikuntzarekin eta ikasleen prestakuntza integralarekin duen konpromisoa berresten du. Inspirira STEAM orientazio-programa bat baino askoz gehiago da: etorkizun posibleak, askotarikoak eta mugarik gabekoak irudikatzeko gonbidapena da.

📌 Proiektuari buruzko informazio gehiago:
👉 https://inspirasteam.net/conoce-el-proyecto/