Joan den ostegunean, irailak 18, gure zentroa elkartasunarekiko topagune bihurtu zen berriro. Euskadiko Odol Emaileen Elkartearen unitate mugikorra Villaríaseko sarreran jarri zen, eta ikasle, langile eta familiei aukera eman zitzaien odola ematera hurbiltzeko.

Jardunaldiaren aurreko egunean Transfusio eta Giza Ehunen Euskal Zentroko Odol Ematea Sustatzeko arduradun Iñigo Salaverrik hitzaldiak eman zituen. Goi-mailako ikasleei zuzendutako saio horien bidez, Iñigok honako hau azaldu zuen:

• Zer egiten da odolarekin odola eman ondoren?

• Nola banatzen den odola hainbat osagaitan (plasma, plaketak eta hematiak) 💉

• Beharrak eta erabilerak: ebakuntza kirurgikoak, tratamendu onkologikoak edo transplanteak, trafiko-istripuak edo erditze konplikatuak 🚑

• Egunean zenbat dohaintza egiten diren Euskadin eta zenbat beharko liratekeen eskaerari erantzuteko 💡

Haren hitzaldiari esker, gure ikasleek hobeto ulertu zuten hain keinu sinple eta erraz baten garrantzia.

👉 Donazio egunean, 21 donazio eraginkor lortu genituen, baina gehiago izan ziren emateko asmoz hurbildu ziren ikasleak. Kasu batzuetan ezin izan zuten egin, hainbat faktore mediko tarteko, baina haien ekimenak ere errekonozimendu handia merezi du 👏.

Somorrostro Prestakuntza Zentrotik zorionak eta eskerrak eman nahi dizkiegu parte hartu duzuen guztioi. Emandako odol-tanta bakoitza bizitza da behar dutenentzat, eta gure hezkuntza-komunitateak erakutsitako elkartasuna konpromisoaren eta eskuzabaltasunaren adibide da berriz ere 💜