DBHko 1. mailako ikasleek esperientzia ahaztezina bizi izan dute Balioak irakasgaian, inklusioa eta aniztasuna oso modu berezian landuz. Musikaren eta zeinu-hizkuntzaren bidez, bideoklip hunkigarri bat sortu dute, Rozalén eta Estoparen Vivir abestia egokituz.

Entzumen-urritasuna duten hiru ikaskide izan dira proiektu eder honen liderrak, ikaskideak zeinu-hizkuntzaren ikaskuntzan eta adierazpenean gidatuz. Emaitza sentimenduz eta esanahiz betetako pieza bat da, aniztasun funtzionala ikusarazteaz gain, enpatia eta berdintasuna ere sustatzen dituena.

“Esperientzia bikaina izan da, eta ikasle guztiak modu zoragarrian inplikatu dira”, esan digute Anek eta Jorgek, ekimena gidatu duten irakasleek.

Bideoklip hau eskolako jarduera bat baino askoz gehiago da: errespetuaren, inklusioaren eta talde-lanaren mezu bat da. Aniztasunak aberasten gaituela eta elkarrekin gauza zoragarriak egin ditzakegula erakusten digu.

Zorionak guztioi lan handi honengatik!