Beste behin ere, “Gosari Osasungarriak” proiektua jarri dugu abian, GASCA gure eskola-jantokiaz arduratzen den enpresarekin lankidetzan. Programa honen helburua DBHko 1. mailako ikasleek elikadura orekatuaren garrantzia ikastea da.

Jarduera hiru zatitan banatu da. Lehenik, dietista baten hitzaldi batera joan dira ikasleak, eta gosari osasungarri bat nolakoa izan behar den azaldu die. Fruta, karbohidratoak eta esnekiak sartzearen garrantzia nabarmendu du, eta fruta (kiwia, banana edo sagarra) eta merkatuan dauden zuku osasungarrien aukera onenei buruz hitz egin die.

Ondoren, Josek, ikastetxeko sukaldariak, sukaldetik buelta bat eman die, eta menu orekatuak nola diseinatzen diren erakutsi die, Eusko Jaurlaritzaren jarraibideei jarraituz. Era berean, denetik jatearen garrantziaz jabetu dira, betiere osasunaren eta zaporearen arteko oreka bilatuz.

Azkenik, ikasleek ikasitakoa praktikan jarri dute, GASCAk jantokian prestatutako gosari osasungarri batez gozatuz. Esperientzia honi esker, gosaria goxoa eta elikagarria izan daitekeela egiaztatu dute.

Oso jardunaldi aberasgarria izan da guztiontzat! Txikitatik elikadura ohitura osasungarriak sortzeko balio izatea espero dugu.

Argazkiak hurrengo estekan ikus ahal dituzue: albuma