Graduatu honek sistema mikroinformatiko, ekipo elektriko edo elektronikoak merkaturatzen, muntatzen, mantentzen eta konpontzen dituzten enpresetan eta sistema informatikoak kudeatzeko erabiltzen dituzten enpresetan egin dezake lan.

4 urteko GRADU “INTEGRATUKO” ZIKLO honek 2 urtetan Oinarrizko maila eta beste 2 urtetan Erdi Mailako LHa egiteko aukera emango du. Gainera, oinarrizko graduan hasten diren ikasleek automatikoki jarraitu ahal izango dituzte ikasketak informatikaren arloko erdi mailako graduan (mikroinformatika-sistemak eta sareak), aurretiko matrikulazio-prozesurik egin behar izan gabe (lehen urtean 4 ikasturteetan matrikulatzen dira).

Lortutako Titulazioak:

Ikasleek, lehenengo bi urteak amaitzean, titulu hauek eskuratu ahal izango dituzte:

• Informatika eta Komunikazioetako oinarrizko gradua
• DBHn graduatua

Eta lau ikasturteak amaitzean, titulu hau:

• Mikroinformatika-sistemen eta sareen erdi-mailako gradua