Gasteizen izan da gaur Euskelec ekimenaren zortzigarren edizioa, Eusko Jaurlaritzak Tknikaren bitartez bultzatutako lehiaketa, non Estatu osoko Lanbide Heziketako ikasleak beraiek diseinatu eta muntatutako ibilgailu elektrikoekin lehiatzen diren. Aurten, Euskadiko, Gaztela-Mantxako, Kantabriako, Gaztela eta Leongo eta Kataluniako (lehen aldiz parte hartu zuen) 24 zentrok neurtu dituzte beren trebetasun teknikoak eta asmamena hitzordu handi honetan.

Goizean goizetik, Gasteizko erdigunea hiri-zirkuitu ikusgarri bihurtu da, eta azelerazio, balaztatze eta slalom proba konbinatuak eta hainbeste espero zen erresistentzia-lasterketa egin dira. Ibilgailuek ordubetez eman dute buelta, atsedenik gabe. Proba honetan, gure pilotu Hodei Brunetek meritu handiko hamargarren postua lortu du, maila gorenean lehiatuz eta taldearen lan bikaina erakutsiz.

Baina pistako errendimenduaz gain, hitzordu honek Somorrostroko telekomunikazioetako ikasleen talentua eta profesionaltasuna erakusteko ere balio izan du. Beraien lanari esker, streaming bidez jarraitu ahal izan da egun osoa, zirkuituko gune estrategikoetan kamera finkoak eta autoetan bertan instalatutako onboard kamerak erabiliz. Gainera, zentroak prestatutako stand teknikoa baliagarria izan da parte hartu duten taldeekin, agintariekin eta hezkuntza- eta teknologia-arloko pertsona garrantzitsuekin elkartzeko eta elkarrizketak egiteko.

Euskelec ez da lehiaketa bat bakarrik: tailerretan eta ikasgeletan hilabeteetan egindako elkarlanaren emaitza da, non ikasleek diseinatu, doitu, probatu eta berritu duten. Tknikak antolatutako proiektu honek talde-lana, pentsamendu sortzailea eta mugikortasun iraunkorraren inguruko ezagutza teknikoen benetako aplikazioa sustatu nahi ditu.

Sari banaketan Jon Labaka Lanbide Heziketako sailburuordea izan da buru, eta proba globalaren irabazle izan den Kantabriako Nuestra Señora de los Remedios de Guarnizo ikastetxea zoriondu du.

Beste behin ere, Somorrostroko taldeak maila eman duela erakutsi du, Lanbide Heziketan berrikuntzarekin, iraunkortasunarekin eta bikaintasun teknikoarekin dugun konpromisoa berretsiz.

Beste behin ere, Somorrostroko taldeak daukan maila bikaina erakutsi du, Lanbide Heziketan berrikuntzarekin, jasangarritasunarekin eta bikaintasun teknikoarekin dugun konpromisoa berretsiz.

 Lasterketako argazkiak topatuko dituzu esteka honetan