Somorrostro Zentroa berrikuntzaren adibide gisa onartu dute Lanbideren Konektalan plataforman, GARENA proiektuari esker. GARENA ekimen aitzindaria da “Somorrostro estiloaren” transmisioa bermatzeko belaunaldi-errelebo handiko une batean.

Erronka: esentzia mantentzea aldaketa garaian

Bost urtetan, gure erakundeko 41 pertsona erretiratu egingo dira, funtsezko 7 lider barne. Arriskua agerikoa zen: definitzen gaituen hezkuntza eta kultura estiloa galtzea. Zentroaren hazkundearekin eta belaunaldi aldaketekin harrera tradizionala ez zen nahikoa gure zentro-proiektuaren funtsa helarazteko.

Erantzuna: GARENA Proiektua

Erronka horri erantzuteko, zentroak GARENA proiektua diseinatu zuen, Plan Estrategikoan integratua eta Equilia aholkularitza-enpresarekin batera diseinatua.

• Talentu-matrize bat sortu zen 21 mentore identifikatzeko..

• Harrera-prozesua berriz diseinatu zen, “Cafés GARENA” izenaz ezagutzen diren urteko prestakuntzak eta hamabostean behingo mentoring saioak gehituz.

• Hori guztia helburu batekin: langile berriek prozesuak ikasteaz gain, ikastetxearen balioak, konpromisoa eta kultura hurbiltasunetik bizitzea.

Inpaktua

Orain arte, 53 lagunek parte hartu dute haien Somorrostroko lehen urteetan, eta 21 profesional aritu dira aholkulari gisa.
Emaitzek beren kabuz hitz egiten dute, proiektuaren batez besteko balorazioa 10etik 8koa baino handiagoa izan da inplikatutako pertsonen artean

Javier Laiseca ikastetxeko zuzendariak adierazi bezala:

“Pertsona berrien % 95ek diote Garena ostean identifikatuago sentitzen direla zentroaren helburuarekin”.

Konektalanen aitorpen horrek berretsi egiten du hezkuntza eta antolaketa berriztatzearen alde egin dugun apustua, betiere Somorrostroko pertsonen eta etorkizunaren zerbitzura.

👉 Irakurri publikazio osoa hemen: Konektalan esperientzia

Zer da konektalan?

Konektalan Lanbide Euskal Enplegu Zerbitzuaren plataforma digital bat da, Euskadin talentua eta lan-aukerak konektatzeko diseinatua.

Ez da lan-poltsa bat bakarrik; profesionalak erakarri eta atxikitzea bilatzen duen lankidetza-espazio bat da. Honako helburu hauek ditu:

• Enpresak (bereziki berritzaileak) profesional kualifikatuekin konektatzea.
• Lan-merkatuko eragile guztien arteko harreman-sarea eta lankidetza sustatzea.
• Eskualdeko enpleguari, prestakuntzari eta laguntza ekonomikoei buruzko baliabideak eta informazioa eskaintzea.

Funtsean, Konektalanek kalitatezko enplegurako ekosistema gisa jokatzen du Euskadin.