Petronorrek Lanbide Heziketako beken edizio berri bat jarri du abian, eta Somorrotro Heziketa Zentroko ikasleei soilik zuzenduta dago. STEAM Petronor beka hauen helburua da Lanbide Heziketako STEAM bokazioak sustatzea Muskiz, Abanto-Zierbena edo Zierbenako udalerrietan bizi direnen artean.

1.000 euroko 19 beka emango dira, gehienez ere, Somorrostro Heziketa Zentroan erdi-mailako edo goi-mailako lehen mailan matrikulatutako ikasleentzat, beherago adierazitako STEAM espezialitateetako batean.

Espezialitate horietan emakumeen bokazioak sustatzeko, esleitutako beken % 50 lortzen saiatuko da, desgaitasuna duten pertsonei esleitutako erreserbaren % 10 zenbatu gabe.

Izena emateko epea azaroaren 4tik 25era izango da.

Interesdunek ESTEKA honetan eman beharko dute izena:

Somorrostroko LHko espezialitate hauei eman ahal izango zaie beka:

ERDI MAILAKO ZIKLOAK (CFGM):
• Ibilgailu automobilen elektromekanika
• Instalazio elektrikoak eta automatikoak
• Telekomunikazio-instalazioak
• Mantentze elektromekanikoa
• Mekanizazioa
• Soldadura eta galdaragintza
• Mikroinformatika-sistemak eta sareak

GOI MAILAKO ZIKLOAK (CFGS):
• Sareko informatika-sistemen administrazioa
• Automatizazioa eta robotika industriala
• Automozioa
• Metalezko eraikuntzak
• Plataforma anitzeko aplikazioak garatzea
• Web aplikazioen garapena
• Fabrikazio mekanikoko diseinua
• Energia berriztagarriak
• Mantentze elektronikoa
• Mekatronika industriala
• Lanbide-arriskuen prebentzioa
• Fabrikazio mekanikoko produkzioaren programazioa
• Telekomunikazio- eta informatika-sistemak
• Sistema elektroteknikoak eta automatizatuak

Lege-oinarrien testu osoa esteka honetan egongo da eskuragarri.