“BIHOTZEAN ELKARTASUNA”

Urriaren 19an Bularreko Minbiziaren aurkako Munduko Eguna ospatuko da, Osasunaren Mundu Erakundeak (OME) bultzatutakoa, gaixotasun horren detekzio goiztiarraren eta tratamenduaren garrantziaz sentsibilizatzeko.

Gaur ostirala, hilak 17, Somorrostron, ospakizun honekin bat egin nahi izan dugu oso modu berezian. 1.000 pertsona inguruk, ikastetxeko ikasle, irakasle eta langileen artean, giza kate handi bat osatu dugu ikastetxe osoaren inguruan, patioak eta korridoreak arrosaz tindatuta, bularreko minbiziaren aurka borrokatzen duten edo borrokatu duten pertsona guztiei gure babesa erakusteko.

Batxilergoko eta Lanbide Heziketako 600 ikaslek baino gehiagok, arrosaz jantzita eta lazo handi bati eutsiz, ikastetxea inguratu dute kirol-zelaietara iritsi arte. Bertan, DBHko ikasleak gure zain zeuden, lazo arrosa erraldoi bat osatuz. Bertan, giroa emozioz bete da “Bihotzean Beldurra” entzun dugunean, DBHko 2. mailako ikasle batek egun honetarako bereziki konposatutako abesti ederra.

Ekitaldiari amaiera emateko, eta kausari babesa adierazteko, ikasle guztiek argazkiak atera nahi izan dituzte Muskizeko Minbiziaren Aurkako Elkartearekin. Zuen inplikazioari eta gure hezkuntza-komunitate osoaren inplikazioari esker, elkartasunez, sentsibilizazioz eta itxaropenez betetako goiza bizi izan dugu.

💗 Ez galdu dronearekin hartutako irudiak eta bideoak… egun berezi honen oroitzapen ahaztezina!

📸 Argazki albuna esteka honetan