Titulu hori lortzen duten pertsonek osasun publikoaren edo pribatuaren arloan egiten dute lan nagusiki, kutsatzaileak izan daitezkeen produkzio-sektoreetan, eta estatuko, autonomia-erkidegoko eta tokiko administrazioan, osasunarekin eta/edo ingurumenarekin lotutako zerbitzuetan. Osasun-ikuskaritzako taldeetan, analisi-laborategietan, ikerketa-zentroetan, unibertsitate-zentroetan, nekazaritza-ustiategietan eta ingurumen-kontroleko zerbitzuetako enpresetan parte har dezakete.

Lan irteerak:

• Ingurumen-kudeaketako teknikaria.
• Ingurumen-kudeaketako sistemen koordinatzailea.
• Ingurumen-jardueren programatzailea.
• Ingurumen-dokumentalista.
• Osasun-kontroleko teknikaria (elikagaiak, urak, atmosfera, hondakinak…).
• Kutsadura atmosferikoa kontrolatzeko teknikaria.
• Kutsadura akustikoa kontrolatzeko teknikaria.
• Organismo kaltegarriak kontrolatzeko teknikaria.
• Hiri-ingurunean eta lotutako natura-ingurunean izurriak kontrolatzeko teknikaria.
• Produktu bioziden eta fitosanitarioen informazio komertziala.